நீர் ,நிலம் ,மனிதன்: seeds

வீட்டுத்தோட்டம்:

வேதியியல் உரங்களினை பயன்படுத்தி விளைவிக்கப்படுகின்ற காய்கறிகளினை உண்பதால் பல்வேறு வகையிலான நோய்கள் ஏற்படுகின்றன.நகரமயமாதல்,பெருகி வரும் மக்கள் தொகை ஆகியவற்றின் காரணமாக மண்ணை மலடாக்கி விவசாயப்புரட்சி என்னும் பெயரில் சிறிது சிறிதாக இயற்கைவேளாண்மையிலிருந்து மாறி வேதியியல் உரங்களினை பயன்படுத்தி விவசாய்ப்பொருள்களான காய்கறிகள் பழங்கள் ஆகியவற்றினை விளைவிக்கின்றோம்.நம்மை நாமே அறியாமல் செடிகளுக்கு அடிக்கின்ற பூச்சிக்கொல்லி,உரங்கள் ஆகியவை அந்த காய்கறிகள்,பழங்கள் ஆகியவற்றில் சேர்ந்து நாம் உண்ணும் போது நம் நலத்திற்கு தீங்கு விளைவிக்கின்றன.

தமிழ்நாடு 2013-14 வேளாண்மை மானியக்கோரிக்கையில் நீங்களே செய்து பாருங்கள் என்ற ஒரு புதிய திட்டம் அறிமுகப்படுத்தப்படவுள்ளதாக தெரிவிக்கப்பட்டுள்ளது.அதன்படி சென்னை மர்றும் கோவை மாநகரங்களில் புத்தம் புதிய நச்சுத்தன்மையற்ற சத்தான காய்கறிகளினை அவரவர் மாடிகளில் உற்பத்தி செய்வதை ஊக்குவிக்க தொழில்நுட்ப அறிவுரையுடன் நீங்களே செய்து பாருங்கள்-சிறுதளைகள் வழங்கப்படும் என அறிவிக்கப்பட்டுள்ளது என்பது குறிப்பிடத்தக்கது.(வேளாண்மை மானியக்கோரிக்கை)

நகரங்களில் மண்தொட்டிகள் கிடைப்பது சிரமம் அதற்கு மாற்றாக HDPE GROW BAGS எனப்படும் பிளாஸ்டிக் பைகள் சந்தையில் வெவ்வேறு அளவுகளில் தேவைக்குதக்கவாறு கிடைக்கிறது.மேலும் மண் கிடைப்பது சிரமம் ஆதலால் அதற்கும் மாற்றாக தென்னைநார் கழிவு மண்புழு உரம் கலந்து பயன்படுத்துதல் எளிதானது.எடை குறைவானது.தென்னைநார் கழிவு நன்கு அமுக்கப்பட்டு அதனைச்சேர்த்தே HDPE GROW BAGS சந்தைகளில் கிடைக்கிறது.அதனை பயன்படுத்தலாம்.

மாசற்ற காய்கறிகள் உண்ணவேண்டும் என்பதற்காக HDPE GROW BAGS மூலம் என் வீட்டின் மேல்பகுதியில் அமைக்கப்பட்டுள்ள வீட்டுத்தோட்டமும் என்வீட்டினைச்சுற்றி அமைக்கப்பட்டுள்ள தாவரங்களும் தற்போது சிறிது சிறிதாக காய்கறிகள் வெளியே வாங்குவதினை குறைத்து வருகின்றன

வீட்டின் மேல்பகுதியில் வளர்க்கப்பட்டு வரும் செடியில் காய்க்கத்துவங்கியுள்ள பாகல்

வீட்டின் மேல்பகுதியில் வளர்க்கப்பட்டு வரும் செடியில் காய்க்கத்துவங்கியுள்ள பீர்க்கன்

தூக்கி வீசப்படும் பிளாஸ்டிக்பாட்டில்களில் வளர்க்கப்படும் சிறு பூச்செடிகள்

தூக்கி வீசப்படும் பிளாஸ்டிக்பாட்டில்களில் வளர்க்கப்படும் மணிபிளாண்ட்

தூக்கி வீசப்படும் பிளாஸ்டிக்பாட்டில்களில் வளர்க்கப்படும் ஓமவல்லி அல்லது கற்பூரவல்லி

தூக்கி வீசப்படும் பிளாஸ்டிக்பாட்டில்களில் வளர்க்கப்படும் அழகுச்செடி

தூக்கி வீசப்படும் பிளாஸ்டிக்பாட்டில்களில் பிரிதொரு முறையில்வளர்க்கப்படும் அழகுச்செடி

மாடிதோட்டத்தில் வளர்க்கப்பட்டுவரும் அவரைச்செடி பூக்க காய்க்கத்துவங்கியுள்ளது

மாடித்தோட்டத்தில் செடிகளின் அணிவகுப்பு

பயன்படுத்தப்படாத வாளியில் வளர்க்கப்படும் ரோஸ் செடி பூக்கத்துவங்கியுள்ளது

நந்தியாவட்டைச்செடி பூக்களுடன்

கேரட் மற்றும் சிறுகிழங்கு

கேரட் நன்கு விளைந்தநிலையில்

மிளகாய் பூக்க,காய்க்கத்துவங்கியுள்ளது

கத்தரி காய்க்க தயாரான நிலையில்

பீட்ரூட் அறுவடைக்கு தயாரான நிலையில்

வீட்டுத்தேவைக்கான அரைக்கீரை முளைவிடதுவங்கியுள்ளது

புதினா நன்கு வளர்ந்த நிலையில்

பொன்னாங்கண்ணி கீரை அறுவடைக்கு தயார்

கீரைவகைகளின் அணிவகுப்பு

வீட்டின் முன்புறம் வைக்கப்பட்டுள்ள மரம் பூத்து குலுங்குகிறது

குளிர் காற்றினை தரக்கூடிய முள்ளில்லா மூங்கில்

நீரின் கடினத்தன்மை நீக்க வெட்டிவேர்

வெட்டிவேரின் அணிவகுப்பு

மங்குஸ்தான் பழமரம்

நீரிழிவு நோயை கட்டுப்படுத்தவல்ல இன்சுலின் செடி

செவ்வெளனி

மாமரம் பூக்கத்துவங்கியுள்ளது

சப்போட்டா

இன்சுலின் செடி

பவளமல்லிசெடி

எளிய முறையிலான சொட்டு நீர் பாசன அமைப்பு

தூக்கி வீசப்படும் பிளாஸ்டிக்பாட்டில் சொட்டு நீர் அமைப்பாக

சமையலறைக்கழிவு நீர் செல்லும் பாதையில் நீர்ன் கடினத்தன்மை அகற்ற கல்வாழை மற்றும் வெட்டிவேர்

தூக்கி வீசி எறியும் பிளாஸ்டிக் பாட்டில்களில் சிறு பறவைகளுக்காக தானியங்கள்

தூக்கி வீசி எறியும் பிளாஸ்டிக் பாட்டில்களில் பிறிதொரு முறையில் சிறு பறவைகளுக்காக தானியங்கள்

நீங்களும் உங்கள் தேவைக்கான காய்கறிகளினை மாசற்ற கலப்படமில்லா காய்கறிகளினை தயார் செய்து கொள்ளலாமே...
முயன்றால் முடியாதது ஏதுமில்லை.
முயற்சியுங்களேன்

என்னுடைய முதல் பதிவில் வீட்டுத்தோட்டம் என்ற தலைப்பில் வீட்டில் மொட்டை மாடியில் அமைக்கப்பட்ட தோட்டம் குறித்து கருத்துரைத்து இருந்தேன்.

சொல்லுதல் யார்க்கும் எளிய அரியவாம்
சொல்லிய வண்ணம் செயல்.

நான் இந்தச் செயலை இப்படிச் செய்யப் போகிறேன் என்று சொல்லுவது எல்லார்க்கும் சுலபம்; சொல்லியபடியே அதைச் செய்து முடிப்பதுதான் கடினம் என்ற வள்ளுவன் வாக்கிற்கிணங்க எளிதாக சொல்லிவிடுவோம் ஆனால் செயல்படுத்துவதில்தான் கடினம்.கருத்துரைத்த நான் செய்யாமல் இருக்கலாமா?அதான் எங்கள் வீட்டின் மீது தோட்டம் அமைத்தேன்.கீரைகள்,தக்காளி,வெண்டை,மிளகாய்,கேரட்,பீட்ரூட்,முள்ளங்கி,ஆகியன விதைத்தேன்.எவ்வளவு சந்தோஷம் தெரியுமா?நாள் தோறும் வளரும் விதங்களினை ரசித்தேன்.ஒவ்வொரு இலை விடும் போதும் சந்தோசத்தில் மனம் துள்ளியது.முதன் முறையாக GROW BAG எனப்படும் பையில் அரைகீரை நட்டு அது வளர்ந்து அதனை அறுவடை செய்து சமைத்து உண்டேன்.எவ்வளவு இனிமை தெரியுமா?இன்று தண்டு கீரை அறுவடை செய்து சமைத்து உண்டோம்.மாசற்ற பயிர்.மட்டற்ற மகிழ்ச்சி.வெண்டை பூத்துள்ளது.ரசிக்கின்றேன்.,ருசிக்க தயராக உள்ளேன்.

பயன்படாத வாளியில் ரோஸ் செடி நட்டுள்ளேன்.பூக்க தயாராக உள்ளது.மேலும் சிறு சிறு பூச்செடிகள்,பிளாஸ்டிக் பாட்டில்களில் வைத்துள்ளேன்.

GROW BAG எனப்படும் செடி வளரும் பைகள் சேலத்திலிருந்து வாங்கினேன்.3 வருடத்திற்கும் மேல் உழைக்கும்.பயன்படுத்துதல் சுலபம்,பிளாஸ்டிக் தொட்டிகள்,மண்தொட்டிகள் போன்றவற்றிற்கு மாற்றாக இதனை பயன்படுத்தினேன்.மேலும் பயன்படாத தண்ணீர்கேன்களினை வெட்டி மண் நிரப்பி பூச்செடிகள் நட்டுள்ளேன்.

எங்கள் வீட்டு காய்கறித்தேவையினை சிறிது சிறிதாக இதன் மூலமாக நிறைவேற்ற முடிவு செய்துள்ளேன்.

பைகளில் விதைகள் விதைக்கப்பட்டு வளர்கின்றது

பைகளில் கீரை விதைகள் விதைக்கப்பட்டு வளர்கின்றது

பைகளில் தண்டுக்கீரை விதைகள் விதைக்கப்பட்டு வளர்கின்றது

வெந்தயக்கீரை

காய்கறி செடி வகைகள்

அனைத்தும் ஒரே இடத்தில்

மிளகாய்,சீனி அவரை,பீட்ரூட்,பாகல்

பிளாஸ்டிக் பாட்டிலின் அடிப்பகுதியில் பூச்செடி

பிளாஸ்டிக்பாட்டிலில் மணிபிளாண்ட்

உடைந்த பிளாஸ்டிக் டிரேவில் வெண்டை

உடைந்த பிளாஸ்டிக் டிரேவில் வெண்டை பூக்க துவங்கியுள்ளது

பூச்செடிகள்

பயன்படாத வாளியில் ரோஸ் செடி

முதன்முறையாக அறுவடை செய்யப்பட்ட கீரை

எண்ணிய எண்ணியாங்கு எய்து எண்ணியார்
திண்ணியர் ஆகப் பெறின்.

ஒன்றைச் செய்ய எண்ணியவர் அதைச் செய்து முடிப்பதற்கு ஏற்ற மனஉறுதியை உடையவராக இருந்தால், அடைய நினைத்தவற்றை எல்லாம் அவர் எண்ணப்படியே அடைவார் என்ற வள்ளுவரின் வாக்கின் படி செய்ய வேண்டும் என எண்ணினால் அதனை செய்ய இயலும்.